ហេតុដូចនេះហើយ យើងរាល់គ្នាត្រូវតាំងចិត្តជ្រះថ្លាលើកដៃបួងសួង សូមឲ្យម្ចាស់ឆ្នាំនីមួយៗទាំងអស់ អោយទទួលបាននូវ ជោគជ័យ លាភទ្រព្យ និង មហាសំណាង ក្រាស់ក្រែល បរិវាជុំទិស សត្រូវសាបសូន្យ ទុក្ខកង្វល់រលាយ និង មានតែសុភមង្គល ព្រមទាំងស្នាមញញឹមកើតឡើង គ្រប់ទិន្ទទិវារាត្រីនៅខែកញ្ញានេះ ! ព្រមទាំងធ្វើអោយការទស្សន៍ទាយនេះ ឆុត ស័ក្តសិទ្ធ ១០០% ផងទៅចុះ ! សាធុ...សាធុ...សាធុ...
បើបានធ្វើការបួងសួងទទួលយកហើយនោះ ស៊ែរចេញភ្លាម !!! អ្នកនឹងទទួលបានសំណាងអស់មួយជីវិត ។
ឆ្នាំឆ្លូវ រាសីខ្ពស់ត្រដែត។ ក្នុងថ្ងៃនេះដោយសារដួងរាសីឡើងខ្ពស់ដូចនេះបើទោះបីធ្វើអ្វីតែងមានការសហការនិងជួយជ្រោមជ្រែងពីអ្នកដទៃជានិច្ច។ក្រៅពីនេះបើលោកអ្នកជាអ្នកធ្វើជំនួញបើចង់ទំនាក់ទំនងជួញដូរឬទំនាក់ទំនងអតិថិជនចាស់ថ្មីតែងមានការសហការពីអតិថិជនជានិច្ច។ក្នុងពេលនេះដែរលាភសំណាងមានហូរចូលខ្លះៗម្ល៉ោះហើយជាឱកាសល្អក្នុងការពង្រីកមុខជំនួញព្រោះផ្លែផ្កាហុចមកវិញឃើញថាអាចឆ្លើយតបគួរជាទីពេញចិត្តប៉ុន្តែយ៉ាងណាលោកអ្នកឱ្យប្រយ័ត្នគ្រោះចាញ់បោកគេព្រោះងាយជួបប្រទះណាស់ដែរ។ រីឯបញ្ហាប្រុសស្រីលោកអ្នកមិនគប្បីលង់លក់តែក្នុងរឿងសេចក្តីស្នេហាខុសរបៀបដែលនាំឱ្យខូចអនាគតដោយប្រការណាមួយ៕
ឆ្នាំរោង រាសីខ្ពស់ត្រដែត។ នៅថ្ងៃនេះបើចង់ធ្វើការផ្លាស់ប្តូរអ្វីក៏តែងហុចផលមកវិញគ្រាន់ជាទីពេញចិត្តហើយផ្លែផ្កាក៏តែងផ្តល់ផលល្អនៅគ្រាខាងមុខថែមទៀត។ក្រៅពីនេះបើចង់បំពេញកិច្ចការងារអ្វីមួយគួររួសរាន់ព្រោះធ្វើច្រើនទទួលបានផលច្រើនធ្វើតិចបានផលតិច។សម្រាប់អ្នកប្រកបរបររកស៊ីជួញដូរទីជិតឆ្ងាយមានភាពកាក់កបល្អហើយបើចង់ជួញផ្លូវឆ្ងាយទៀតសោតក៏ផ្តល់ផ្លែផ្កាគួរសម។ រីឯបញ្ហាសេចក្តីស្នេហាប្រុសស្រីមានការជឿនលឿនទៅមុខនិងស្រស់ស្រាយប្រពៃណាស់៕
ឆ្នាំម្សាញ់ រាសីខ្ពស់ត្រដែត។ អ្នកកើតឆ្នាំស្វានៅខែនេះដួងរាសីល្អប្រសើរហើយថ្ងៃនេះដួងរាសីឡើងខ្ពស់ថែមទៀត ហេតុនេះលោកអ្នកអាចទទួលដំណឹងល្អនិងពិសេសអាចមានការផ្លាស់ប្តូរអ្វីមួយដែលប្រសើរជាងនេះផង។ សម្រាប់អ្នកប្រកបរបររកស៊ីជួញដូរនៅថ្ងៃនេះដែរប្រាក់រត់ចូលឬរត់ចេញអាស្រ័យទៅលើមាត់ហើយបើមិនចេះប្រើឱ្យចំទិសដៅទេប្រាក់កាសនឹងរត់ចូលថង់លុយអ្នកដទៃអស់ពុំខានទ្បើយ។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីមានភាពលូតលាស់និងកំពុងផ្អែមល្ហែមល្អប្រពៃ៕
ឆ្នាំមមី រាសីខ្ពស់ត្រដែត។ នៅថ្ងៃនេះបើលោកអ្នកធ្វើអ្វីឃើញថាមានការជឿនលឿនទៅមុខនិងហុចផ្លែផ្កាគ្រាន់ជាទីកក់ក្តៅផង។អ្នកប្រកបរបររកស៊ីជួញដូរបើចង់បោះទុនតូចធំតែងហុចផ្លែផ្កាមកវិញគ្រាន់គាប់ប្រសើរហើយធ្វើអ្វីក៏ជឿនលឿនគួរសម។ការធ្វើដំណើរទីជិតឆ្ងាយជួបភាពសុខដុមនិងក្តីសោមនស្សជានិច្ច។ រីឯសម្ព័ន្ធស្នេហាប្រុសស្រីកំពុងមានភាពស្រស់ស្រាយប្រៀបដូចត្រីក្នុងទឹកនារដូវខែវស្សា៕
ឆ្នាំវក រាសីខ្ពស់ត្រដែត។ នៅថ្ងៃនេះឱកាសល្អៗមានច្រើនហើយពិសេសមានអាចមានក្រុមនុស្សណែនាំអ្វីមួយឱ្យមានភាពភ្លឺថ្លាជាងនេះផង។សម្រាប់ពេលវេលាល្អក្នុងការសម្រេចចិត្តអ្វីមួយនៅថ្ងៃនេះគឺម៉ោង៧,០០ទៅដល់១០,៥៩នាទីព្រឹក។អ្នកប្រកបរបររកស៊ីជួញដូរបើលោកអ្នកចង់បោះទុនតូចធំឬចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយបើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។ ការធ្វើដំណើរឆ្ងាយជិតជួបភាពសុខដុមដូចសព្វមួយដង។ រីឯបញ្ហាសេចក្តីស្នេហាកំលោះក្រមុំមានភាពស្រស់ស្រាយប្រៀបដូចត្រីក្នុងទឹកនារដូវខែវស្សា៕
ឆ្នាំច រាសីខ្ពស់ត្រដែត។ ក្នុងថ្ងៃនេះបើទោះបីលោកអ្នកមានកិច្ចការច្រើនត្រូវបំពេញនិងមានការហត់នឿយបន្តិចក្តីប៉ុន្តែមិនឥតប្រយោជន៍ឡើយព្រោះតែងហុចផ្លែផ្កាយ៉ាងល្អនៅពេលក្រោយវិញ។ក្រៅពីនេះការរស់នៅលោកអ្នកត្រូវបានចាស់ទុំឬចៅហ្វាយនាយមើលឃើញពីគុណសម្បតិ្តហើយផ្តល់ភាពកក់ក្តៅផ្លូវចិត្តទៀតផង។បើជាអ្នកប្រកបរបររកស៊ីជួញដូរពុំសូវគាប់ប្រសើរទេទាំងការជួញទីជិតឆ្ងាយព្រោះលាភតូចធំច្រើនបោលហួសឬមិនក៏ត្រូវគេដណ្តើមយកអស់ៗមុនតែយ៉ាងណាមុខរបររបស់លោកអ្នកមានភាពសុខដុមដូចសព្វមួយដង។ រីឯបញ្ហាស្នេហាប្រុសស្រីបើចង់ផ្សំផ្គុំគ្រួសារជាឱកាសល្អប្រពៃគួរសម៕
ឆ្នាំកុរ រាសីខ្ពស់ត្រដែត។ នៅថ្ងៃនេះបើលោកអ្នកចង់ពឹងពាក់ឬខ្ចីអ្វីមួយពីអ្នកដទៃតែងហុចនូវផ្លែផ្កាគ្រាន់ជាទីកក់ក្តៅផង។ បើជាអ្នកប្រកបរបររកស៊ីជួញដូរក្នុងថ្ងៃនេះដែរការចេញធ្វើជំនួញទីជិតឆ្ងាយមានភាពលូតលាស់ទៅមុខប្រពៃហើយការរកផលកម្រៃទៀតសោតក៏ល្មមគ្រាន់ជាទីកក់ក្តៅផងដែរ។ ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។ រីឯបញ្ហាស្នេហាប្រុសស្រីក្នុងពេលនេះត្រូវចេះទប់ស្កាត់ស្នេហាភ្លើតភ្លើនប្រយ័ត្នជួបរឿងអាសន្នអន់ក្រ ណាមួយនាគ្រាខាងមុខ៕
0 comments:
Post a Comment