តាមក្បួនចិនសែ! កំពូលឆ្នាំទាំង ៨ នេះនឹងជួបមហាសំណាង កែប្រែខ្សែជីវិត ក្នុងឆ្នាំថ្មី ២០១៨ខាងមុខនេះ

បើតាមការទស្សន៍ទាយរបស់ហោរាជនជាតិចិន បានបញ្ជាក់ប្រាប់ពីការផ្លាស់ប្ដូររាសីអាក្រក់ប្រែជាល្អ ជួបមហាសំណាង មានលាភមាស លាភប្រាក់ ដែលជាការកែប្រែជីវិតថ្មីនៅក្នុងឆ្នាំថ្មី ២០១៨ខាងមុខនេះ ។ ឆ្នាំទាំងអស់ដែលមានការកែប្រែខ្សែជីវិត ពីសំណាងអាក្រក់ទៅជាល្អក្រោយពេលបញ្ចប់ពិធីចូលឆ្នាំថ្មី ឆ្នាំចិន ខាងមុខនេះ រួមមាន ឆ្នាំជូត ឆ្នាំឆ្លូវ ឆ្នាំថោះ ឆ្នាំម្សាញ់ ឆ្នាំមមី ឆ្នាំមមែ ឆ្នាំរកា និង ឆ្នាំកុរ ។ សូមរីករាយជាមួយសំណាង និងជោគជតារាសីនៃឆ្នាំទាំង ៨ ដូចខាងក្រោមនេះ ៖

ឆ្នាំជូត ៖ ក្នុងឆ្នាំថ្មីនេះ សម្រាប់មនុស្សដែលកើតឆ្នាំជូត ដែលមានតំណាងដោយសត្វកណ្តុរមាស នឹងជួបសំណាងធំ ដោយរាសីស្ថិតនៅលើកំពូលភ្នំមាស ដែលអាចកែប្រែជោគវាសនាអាក្រក់កាលពីឆ្នាំចាស់ ឱ្យក្លាយមកជាល្អប្រសើរ ។ នៅក្នុងឆ្នាំថ្មីនេះ ទោះជាប្រកបការងារអ្វីរមែងបានជួបលាភធំ ហើយបើចំពោះស្ត្រីនឹងជួបលាភរស់ចូលមកជិតខ្លួនថែមទៀតផង ។

ឆ្នាំឆ្លូវ ៖ ជាឆ្នាំដែលមានរូបសត្វគោមាសធ្វើជាតំណាងក្នុងចំណោមសត្វទាំង12 សម្រាប់ជោគជតារាសីក្នុងឆ្នាំរកា (ឆ្នាំប្រពៃណីជនជាតិចិន) នេះ នឹងលេចឡើងត្រដែតត្រឌឹម ជួបព្រេងសំណាងល្អជាងឆ្នាំចាស់។ នៅក្នុងឆ្នាំរកានេះ ទោះជាលោកអ្នកប្រកបកិច្ចការងារអ្វីក៏ដោយ ក៏តែងទទួលបានជោគជ័យ ដ្បិតមានក្រុមមនុស្សល្អៗនៅឈរចាំជួយយិតយោងជានិច្ច ។ ដោយឡែកសម្រាប់អ្នកជាមន្ត្រីរាជការវិញ នឹងបានឡើងបុណ្យស័ក្ដិយស ដោយសារមានអ្នកមានអំណាចនៅឈរចាំជួយយិតយោងសណ្តោង និងជម្រុញពីក្រោយខ្នង។

ឆ្នាំថោះ ៖ អ្នកកើតឆ្នាំថោះ មានរូបសត្វទន្សាយមាស នឹងត្រូវទទួលបានការប្រទានពរជ័យ និងលាភសំណាង ពីទេវតារក្សាឆ្នាំនេះ យ៉ាងច្រើនសន្ធឹកសន្ធាប់។ ប្រសិនបើអ្នកជាមនុស្សចូលចិត្តធ្វើបុណ្យធ្វើទាន និងចូលចិត្តជួយអ្នកដទៃថែមទៀតនោះ សំណាងអាក្រក់ គ្រោះកាច គ្រោះកម្ម គ្រោះចង្ រៃនឹងរលាយបាត់សូន្យឈឹង ពីអ្នកតែម្តង ហើយចាប់ពីពេលនេះតទៅ ជីវិតអ្នកនឹង មានតែរឿងល្អៗកើតឡើងចំពោះអ្នកជាហូរហែរ ទោះតិចក្តី ច្រើនក្តី ។ ហើយចំណុចដែលអ្នកគួរកែប្រែសំរាប់ខ្លួនអ្នក គឺត្រូវមានភាពរហ័សរហួនជាងសព្វថ្ងៃនេះ ចេះបង្កើត និងចាប់ឱកាសឱ្យបានជាប់ល្អកុំឱ្យរបូតបាត់ទៅវិញ ព្រោះថា ទេវត្តានឹងផ្តល់នូវឳកាសសំណាង ជាច្រើនដល់ អ្នក ដើម្បីអោយថ្ងៃអនាគតអ្នកអាចក្លាយ ជាមនុស្សមានមុខ មានមាត់ ធំដុំម្នាក់ ក្នុង សង្គម ។

ឆ្នាំម្សាញ់ ៖ តំណាងអោយសត្វពស់មាស ជាប្រភេទមនុស្សចិត្តក្តៅហើយលោភ ធ្វើអ្វីក៏ដោយតែងតែចង់បានផលលឿនៗ មិនសូវចេះគិតរៀបគំរោងវែងឆ្ងាយឡើយ ពួកគេមានចិត្តរឹងរូស មិនងាយចុះចាញ់នឹងអ្វីឡើយ បើទោះជាមានឧបសគ្គច្រើននៅចំពោះមុខក៏ដោយ ក៏ពួកគេនៅតែមានកំលាំងចិត្តនិងថាមពលប្រឈមនឹងបញ្ហាទាំងអស់ដែលកើតមានឡើង ពួកគេតែងមានភាពពុះកញ្ច្រោលក្នុងការរកស៊ីទទួលទាន ជំនួញជួញដូរ ហើយតែងតែទទួលបាននូវផលតបស្នងជាទីគាប់ចិត្តផងដែរ ដោយហេតុថាពួកគេមានចិត្តបុណ្យ ករុណាចំពោះមនុស្សទូទៅជុំវិញខ្លួននោះ ទើបធ្វើអោយពួកគេមានទ្រព្យសម្បត្តិ មាសប្រាក់លុយកាក់ច្រើន ហើយក្លាយជាអ្នកមានម្នាក់នៅក្នុងសង្គម។

ឆ្នាំមមី ៖ ស្ទើរតែពេញមួយឆ្នាំថ្មីនេះ លោកអ្នកដែលកើតឆ្នាំមមី ដែលមានសត្វសេះមាសជាតំណាង នឹងមានភាពរហ័សរហួន អារម្មណ៍ភ្លឺថ្លា មានរាសីខ្ពស់ ជាពិសេស បានជួបនឹងក្រុមមនុស្សល្អៗ ។ នៅក្នុងវេលានេះ រឿងរ៉ាវអាក្រក់ៗទាំងប៉ុន្មានដែលកើតមានតាំងពីឆ្នាំចាស់ នឹងរលាយសាបសូន្យ ដោយជំនួសមកវិញលាភធំ ហើយគោលបំណងដែលព្រៀងទុកតាំងពីឆ្នាំកន្លងទៅនោះ នឹងបានសម្រេចដូចការគិតនៅត្រឹមឆ្នាំថ្មីនេះ ។

ឆ្នាំមមែ ៖ តំណាងអោយសត្វពពែមាស មនុស្សដែលកើតឆ្នាំនេះមានអត្តចរិករួសរាយរាក់ទាក់ នឹងចូលចិត្តភាពស្មោះត្រង់ មិនចូលចិត្តធ្វើអោយគេញចំណេញទៅលើអ្នកដៃឡើយហើយអ្នកគឺជាមនុស្សដែលមានការអត់ធ្មត់និងព្យាយាមខ្ពស់ ហើយឧស្សាហ៍ព្យាយាមក្នុងកិច្ចការទាំងឡាយ មិនថាការងារតូចឬធំទេ អ្នកតែងតែសំរេចបានជានិច្ច ដូចនេះហើយអ្នកតែងតែទទួលបានផលជាទីគាប់ចិត្តក្រោយពីសំរេចការងារអ្វីមួយ។ ទៅថ្ងៃអនាគតអ្នកប្រាកដជាមានទ្រព្យសម្បត្តិហូហៀរជាក់ជាមិនខានឡើយ ។

ឆ្នាំរកា ៖ ជាឆ្នាំដែលមានរាសីខ្ពស់ និងឈរនៅលើចំណុចកំពូលនៃជើងលេខ ។ នៅក្នុងឆ្នាំនេះ បើទោះជាលោកអ្នកជួបនឹងឧបសគ្គ ឬបញ្ហាធំយ៉ាងណា ក៏មានក្រុមមនុស្សនៅចាំជួយដោះស្រាយបានយ៉ាងប្រសើរ ជាពិសេស សម្រាប់អ្នកដែលប្រកបកិច្ចការងារនៅក្នុងរដ្ឋាភិបាលតែម្ដង ។ ដោយឡែកសម្រាប់អ្នកប្រកបជំនួញជួញដូរវិញ ក៏នឹងទទួលបានភាគលាភយ៉ាងធំធេង ដែលសូម្បីតែបំណុលដែលគេជំពាក់ និងត្រូវបានគេបំភ្លេចចោលកាលពីឆ្នាំចាស់នោះ ក៏នឹងវិលត្រឡប់មកវិញផងដែរ ។

ឆ្នាំកុរ ៖ ជាសត្វនាំសំណាងជាងគេក្នុងចំណោមសត្វតំណាងឆ្នាំទាំង12 ។ នៅក្នុងឆ្នាំថ្មីនេះ លោកអ្នកនឹងជួបតែសំណាងល្អៗ ទទួលបានលាភសក្ការៈយ៉ាងត្រចះត្រចង់ ។ នៅក្នុងឆ្នាំនេះផងដែរ បើសិនលោកអ្នកមានបំណង ឬគម្រោងធ្វើអ្វីមួយ សូមកុំរេរា ហើយត្រូវសម្រុកធ្វើទៅតាមគម្រោង និងជាធ្វើជាជំហានៗ ដ្បិតភាពជោគជ័យនឹងតោងនៅជាប់ខ្លួនអ្នកជានិច្ច ប៉ុន្តែលោកអ្នកក៏ត្រូវតែប្រុងប្រយ័ត្នផងដែរចំពោះមនុស្សនៅជិតខ្លួន ដែលមាននិស្ស័យយកចិត្តអ្នក បើមិនដូច្នោះទេ ព្រេងសំណាងនឹងត្រូវប្ដូរមកជាគ្រោះចាញ់បោកគេវិញជាមិនខានឡើយ៕

About todayfortune

This is a short description in the author block about the author. You edit it by entering text in the "Biographical Info" field in the user admin panel.