សូមជូនហោរាសាស្ត្រប្រចាំថ្ងៃអាទិត្យ ទី២៧ ខែសីហា ឆ្នាំ២០១៧

ឆ្នាំជូត រាសីស្រុតចុះ។ អ្នកកើតឆ្នាំកណ្តុរនៅថ្ងៃនេះបើទោះបីធ្វើអ្វីក៏ងាយទទួលរងប៉ះទង្គិចណាស់គប្បីមានការប្រយ័ត្នប្រយែងបន្តិចទើបប្រសើរ។ចំពោះអ្នកប្រកបរបររកស៊ីជួញដូរមានការរកាំចិត្តព្រោះតែការជួញទីជិតឆ្ងាយផលកម្រៃមិនឆ្លើយតបដូចសេចក្តីប្រាថ្នាទេហើយទោះខិតខំប៉ុនណាក៏បានត្រឹមមួយទប់ទល់ដែរ។ការធ្វើដំណើរឆ្ងាយជិតជួបភាពប្រទាំងប្រទើសនិងបញ្ហាយាយីច្រើន។ រីឯបញ្ហាស្នេហាប្រុសស្រីមានការប្រទាំងប្រទើសនិបចាប់កំហុសគ្នាច្រើនព្រោះតែភាពប្រចែប្រច័ណ្ឌកំពុងលុកលុយ៕

ឆ្នាំឆ្លូវ រាសីខ្ពស់ត្រដែត។ ដំណើរជីវិតល្អប្រសើរម្ល៉ោះហើយនៅថ្ងៃនេះតែងផ្តល់ផលល្អសម្រាប់លោកអ្នកដាក់ពាក្យសុំធ្វើការឬទំនាក់ទំនងការងារអ្វីមួយពីព្រោះថាផលល្អៗតែងឆ្លើយតបមកវិញជានិច្ច។អ្នកប្រកបរបររកស៊ីជួញដូរវិញជួបការលំបាកក្នុងការរកផលចំណូលបន្តិចព្រោះតែមានការប្រជែងគ្នាច្រើនហើយពិសេសប្រយ័ត្នមានជម្លោះវិវាទព្រោះតែការដណ្តើមអតិថិជនគ្នា។ រីឯបញ្ហាសេចក្តីស្នេហាកំលោះក្រមុំឬពោះម៉ាយមេម៉ាយក្តីមានភាពផ្អែមល្ហែមនិងបើចង់រៀបចំគ្រួសារជាពេលវេលាល្អប្រពៃផង៕

ឆ្នាំខាល រាសីល្អជាមធ្យម។ នៅថ្ងៃនេះយីអ៊ុនរបស់លោកអ្នកមិនគាប់ប្រសើរទេចូរប្រយ័ត្នអារម្មណ៍មួម៉ៅក្តៅក្រហាយមិនដឹងមុខក្រោយនាំកើតជារឿងតូចរឿងធំណាមួយគេចោមរោមសម្អប់បង្កជះឥទ្ធិពលអាក្រក់រកនឹកស្មានមិនដល់។ក្រៅពីនេះការប្រកបការងារលោកអ្នកអាចជួបរឿងជម្លោះកើតឡើងដូច្នេះគប្បីមានការប្រយ័ត្នប្រយែងហើយបើចេះធ្វើគធ្វើថ្លង់ខ្លះទើបជាការប្រពៃបំផុត។អ្នកប្រកបរបររកស៊ីជួញដូរទីជិតឆ្ងាយលាភតូចធំច្រើនបោលហួសហើយពិសេសឱ្យប្រយ័ត្នជួបគ្រោះចាញ់បោកគេតែម្តង។ រីឯសេចក្តីស្នេហាប្រុសស្រីមានការប្រចែប្រច័ណ្ឌនិងមើលផ្លូវអាក្រក់ចំពោះគ្នាច្រើន៕

ឆ្នាំថោះ រាសីខ្ពស់ត្រដែត។ នៅថ្ងៃនេះផ្តល់ផលល្អសម្រាប់ទំនាក់ទំនងការងារឬរៀបចំពិធីអ្វីមួយផង។ចំពោះអ្នកប្រកបរបររកស៊ីជួញដូរវិញបើលោកអ្នកចង់បើកហាងថ្មីឬផ្លាស់ប្តូរមុខរបរថ្មីជាឱកាសប្រពៃមួយដែរព្រោះអាចមានការជឿនលឿនគ្រាន់គួរសម។ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។ រីឯសេចក្តីស្នេហាប្រុសស្រីមានភាពស្រស់ស្រាយនិងផ្អែមល្ហែមគួរជាទីកក់ក្តៅផង៕

ឆ្នាំរោង រាសីល្អជាមធ្យម។ នៅថ្ងៃនេះដំណើរជីវិតរបស់លោកអ្នកល្អប្រសើរប៉ុន្តែយ៉ាងណាសម្រាប់ស្ត្រីមានគ្រោះយាយីនៅឡើយដូចនេះទោះធ្វើអ្វីក៏តែងមិនភ្លឺថ្លាដូចគាប់បំណងប៉ុន្មាននោះដែរ។អ្នកប្រកបរបររកស៊ីជួញដូរក្នុងថ្ងៃនេះដែរបើចង់បោះទុនតូចធំមិនមានអ្វីទាស់ខុសទេព្រោះផ្លែផ្កាដែលទទួលបានមកវិញក៏សមដូចប្រកបមួយចំនួនវិលត្រឡប់មកវិញ។ការធ្វើដំណើរទីជិតឆ្ងាយតែងជួបសេចក្តីសុខដុមដូចសព្វមួយដងទេ។ រីឯបញ្ហាសម្ព័ន្ធគូស្នេហាកំលោះក្រមុំមានភាពស្រស់ស្រាយនិងផ្អែមល្ហែមប្រៀបដូចត្រីក្នុងទឹកនារដូវខែវស្សា ៕

ឆ្នាំម្សាញ់ រាសីខ្ពស់ត្រដែត។ ក្នុងថ្ងៃនេះមានជោគមានសិរីហើយបើទោះបីធ្វើអ្វីក៏ដោយតែងមានការរីកលូតលាស់និងមានជោគជ័យគួរសមផង។សម្រាប់អ្នកប្រកបរបររកស៊ីជួញដូរវិញមានការប្រជែងគ្នាច្រើននិងពិសេសមានការប្រទាំងប្រទើសជាមួយអ្នកមានមុខរបរដូចគ្នាហេតុនេះគប្បីមានការបើកចិត្តឱ្យទូលាយបន្តិចទើបគ្មានរឿងរ៉ាវចម្រូងចម្រាសកើតមានឡើង។ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។រីឯបញ្ហាសេចក្តីស្នេហាកំលោះក្រមុំមានការជឿនលឿនទៅមុខនិងផ្អែមល្ហែមប្រពៃ៕

ឆ្នាំមមី រាសីស្រុតចុះ។នៅថ្ងៃនេះដួងរាសីរបស់លោកអ្នកស្រុតចុះហេតុនេះគប្បីប្រយ័ត្នប្រយែងបញ្ហាគ្រប់រឿងពីព្រោះថាបើពុំនោះផលអាក្រក់ងាយរត់ចូលជាងសព្វមួយដងផង។សម្រាប់អ្នកប្រកបរបររកស៊ីជួញដូរមានការទិញចូលលក់ចេញគ្រាន់រស់រវើកបន្តិចវិញ ប៉ុន្តែយ៉ាងណាផលកម្រៃក៏មិនសូវឆ្លើយតបដូចសេចក្តីប៉ងប្រា ថ្នាទេឬអាចនិយាយបានថាទោះប្រឹងទាល់តែបែកញើសតែផលកម្រៃរកសឹងមិនគ្រប់ចិញ្ចឹមគ្រួសារ។ រីឯបញ្ហាសេចក្តីស្នេហាកំលោះក្រមុំកើតមានការខ្វែងគំនិតនិងប្រឆាំងគ្នាមិនសូវលោះពេលនោះទេ៕

ឆ្នាំមមែ រាសីស្រុតចុះ។ក្នុងថ្ងៃនេះដួងរាសីធ្លាក់ស្រុតចុះម្ល៉ោះហើយបើប្រកបការងារអ្វីតែងមានការរាំងស្ទះនិងមានបញ្ហាយាយីច្រើនដែរ។សម្រាប់ដំណើរជីវិតស្ត្រីក្នុងថ្ងៃនេះឃើញថាមិនគាប់ប្រសើរទេដូចនេះទោះទៅណាមកណាគប្បីមានការប្រយ័ត្នប្រយែង។ក្រៅពីនេះដែរឱ្យប្រយ័ត្នរឿងឈឺខ្លួនដោយបញ្ហាអ្វីមួយចូលមកអុកឡុកយាយីនិងពិសេសឱ្យប្រយ័ត្នរឿងបាត់របស់របរផង។ការប្រកបរបររកស៊ីជួញដូរជួបការលំបាករកផលចំណូល ឯការចំណាយមានខ្ពស់ណាស់។ រីឯបញ្ហាសេចក្តីស្នេហាវិញមានការថយក្រោយដូចនេះឱ្យប្រយ័ត្នសម្តីប៉ប៉ាច់ប៉ប៉ោចនាំកើតជម្លោះវិវាទឈានដល់ការប្រេះស្រាំយូរថ្ងៃ៕

ឆ្នាំវក រាសីខ្ពស់ត្រដែត។នៅថ្ងៃនេះមិនថារឿងផ្ទាល់ខ្លួនឬរឿងក្បែរខ្លួនតែងមានភាពភ្លឺថ្លានិងល្អប្រសើរ។សម្រាប់ដួងរាសីលោកអ្នកខ្លះអាចបណ្តាក់ទុនរកស៊ីនៅថ្ងៃនេះមានការរីកដុះដាលប្រៀបដូចពាក្យចាស់ថា”ដាក់ចុះដុះឡើងតាមដៃ”ហើយពិសេសជួបសេចក្តីចម្រុងចម្រើនបានជាប់យូរអង្វែងទៀតផង។ការប្រកបការងារវិញមិនថារាជការឬក្រុមហ៊ុនឯកជនឃើញថាលោកអ្នកបើចង់ផ្លាស់ប្តូរការងារឬចង់ធ្វើអ្វីមួយក៏តែងផ្តល់ផលល្អៗមកវិញជានិច្ច ។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីជួបភាពរកាំចិត្តនិងមិនសូវទុកចិត្តទុកថ្លើមគ្នាប៉ុន្មានទេ៕

ឆ្នាំរកា រាសីល្អជាមធ្យម។ នៅថ្ងៃនេះលោកអ្នកគប្បីរក្សាភាពនឹងធឺងពីព្រោះដំណើរជីវិតពុំល្អប្រសើរទេហើយពិសេសងាយប៉ះទង្គិចជាមួយអ្នកដទៃណាស់។អ្នកប្រកបរបររកស៊ីជួញដូរនៅថ្ងៃនេះវិញលោកអ្នកកុំគប្បីមានការទុក្ខព្រួយច្រើនពេកព្រោះបើទោះផលចំណូលតានតឹងពិតមែនតែលោកអ្នកក៏មានភាពសុខដុមផងដែរ។ រីឯបញ្ហាសម្ព័ន្ធស្នេហាប្រុសស្រីកុំគប្បីពុះកញ្ជ្រោលព្រោះតែការសេពកាមគុណប្រយ័ត្នរែកពន់ទុក្ខសោកនៅគ្រាក្រោយហើយអសោចកេរ្ត៍ឈ្មោះថែមទៀត៕

ឆ្នាំច រាសីខ្ពស់ត្រដែត។ អ្នកកើតឆ្នាំចនៅថ្ងៃនេះឃើញថាបើមានកិច្ចការងារអ្វីលោកអ្នកអាចសម្រុកបានហើយពីព្រោះថាផ្លែផ្កាទោះតូចធំឃើញថាតែងផ្តល់មកវិញជាសន្សឹមៗជានិច្ច។អ្នកប្រកបរបររកស៊ីជួញដូរបើលោកអ្នកមិនធ្លាប់ចេញធ្វើជំនួញផ្លូវឆ្ងាយហើយចង់សាកល្បងមើលក៏ជាការល្អប្រសើរដែរព្រោះតែងហុចផ្លែផ្កាដូចសមប្រកប។ការធ្វើដំណើរឆ្ងាយជិតជួបភាពសុខដុមដូចសព្វមួយដង។ រីឯបញ្ហាសេចក្តីស្នេហាប្រុសស្រីកំពុងមានភាពស្រស់ស្រាយនិងផ្អែមល្ហែមប្រពៃណាស់៕

ឆ្នាំកុរ រាសីល្អជាមធ្យម។ នៅក្នុងថ្ងៃនេះការប្រកបការងារលោកអ្នកទាល់តែខិតខំខ្លាំងទើបអាចជំនះឧបសគ្គធំៗទៅរួចហើយបើពុំនោះទេនាំជួបភាពបរាជ័យជាក់ជាពុំខាន។ការរស់នៅក្នុងរង្វង់គ្រូសារទាំងស្វាមីភរិយាមើលមុខគ្នាមិនសូវចំប៉ុន្មានទេគឺតែងមានការពាក់មុខយក្សនិងប្រឆាំងគ្នា។ចំពោះអ្នកប្រកបរបររកស៊ីជួញដូរមិនថាទីជិតឆ្ងាយចូរប្រយ័ត្នក្រុមមនុស្សឆបោកយកទ្រព្យសម្បត្តិនិងប្រើល្បិចបោកប្រាស់ដោយប្រការណាមួយ។ រីឯសម្ព័ន្ធស្នេហាប្រុសស្រីមានដំណើរថយក្រោយឥតមានការរីកលូតលាស់ទៅមុខទេដូចនេះគប្បីមានការប្រយ័ត្នប្រយែង៕

About todayfortune

This is a short description in the author block about the author. You edit it by entering text in the "Biographical Info" field in the user admin panel.