ឆ្នាំជូត រាសីល្អជាមធ្យម។ ក្នុងថ្ងៃនេះដំណើរជីវិតរបស់លោកអ្នកឃើញថាមិនគាប់ប្រសើរប៉ុន្មានទេពោលគឺដួងរាសីមធ្យមដែលបញ្ហាអាចប្រែក្រឡាស់ពីល្អមកអាក្រក់និងអាក្រក់មកល្អវិញបានគ្រប់ពេល។ចំពោះអ្នកប្រកបរបររកស៊ីជួញដូរការរកផលកម្រៃមិនត្រូវលោភលន់ឡើយបើពុំនោះទេប្រយ័ត្នបានបាតដៃទទេវិលត្រឡប់មកផ្ទះវិញ។ការធ្វើដំណើរឆ្ងាយជិតមិនសូវមានសុវត្តិភាពទេគប្បីបន្ថែមការប្រុងប្រយ័ត្ន។ រីឯបញ្ហាស្នេហាកំលោះក្រមុំមានការលេចចេញប៉ាតភាពរកាំរកូសខ្លះៗដោយសារការប្រចែច័ណ្ឌកំពុងបិទបាំងមុខ៕
ឆ្នាំឆ្លូវ រាសីខ្ពស់ត្រដែត។ នៅថ្ងៃនេះផ្តល់ផលល្អសម្រាប់លោកអ្នកទំនាក់ទំនងការងារ ចរចាឬសម្រេចចិត្តអ្វីមួយពីព្រោះថាផលល្អៗតែងឆ្លើយតបមកវិញជានិច្ច។ចំពោះអ្នកប្រកបរបររកស៊ីជួញដូរក្នុងថ្ងៃនេះវិញបើលោកអ្នកចង់បោះទុនតូចធំឃើញថាមិនមានទាស់ខុសអ្វីដែរព្រោះផ្លែផ្កាទទួលបានក៏ឆ្លើយតបគ្រាន់កក់ក្តៅជានិច្ច។ការធ្វើដំណើរឆ្ងាយជិតជួបភាពសុខដុមដូចសព្វមួយដង។ សម្ព័ន្ធគូស្នេហាកំលោះក្រមុំឬពោះម៉ាយមេម៉ាយក្តីបើមានផែនការអ្វីសម្រាប់រៀបចំជាគ្រួសារហើយខ្នះខ្នែងធ្វើតែងជោគជ័យដូចគាប់បំណងពុំខាន៕
ឆ្នាំខាល រាសីល្អជាមធ្យម។ នៅថ្ងៃនេះដោយសារដំណើរជីវិតជួបភាពរដិបរដុបដូចនេះចូរប្រយ័ត្នការត្រូវរិះគន់ឬត្រូវគេថាស្តីបន្ទោសដោយប្រការណាមួយ។ការប្រកបការងារមិនសូវមានការរីកលូតលាស់ទៅមុខប៉ុន្មានទេទាល់តែខិតខំខ្លាំងទើបអាចទទួលជោគជ័យធំៗមួយចំនួនទៅរួច។សម្រាប់អ្នកប្រកបរបររកស៊ីជួញដូរក្នុងថ្ងៃនេះដែរទោះធ្វើអ្វីលោកអ្នកគួរធ្វើសន្សឹមៗកុំបំបោលប្រយ័ត្នដូចពាក្យចាស់ថា”កាន់តែលឿនកាន់តែខុសហើយក្រែងមិនបានដូចសេចក្តីប្រាថ្នា” ។ សម្ព័ន្ធស្នេហាប្រុសស្រីឱ្យប្រយ័ត្នភាពផ្អែមល្ហែមប្រែជាជូរចត់វិញព្រោះតែការប្រចែប្រច័ ណ្ឌច្រើន៕
ឆ្នាំថោះ រាសីខ្ពស់ត្រដែត។ ថ្ងៃនេះដោយសារដួងរាសីឡើងខ្ពស់ដូចនេះផ្តល់ផលល្អសម្រាប់លោកអ្នកក្នុងការប្រកបមុខជំនួញតូចធំព្រោះថាតែងសម្រេចជោគជ័យនិងសមដូចប្រកបជានិច្ច។ក្រៅពីនេះបើមានការទំនាក់ទំនងការងារឬចរចាពីបញ្ហាអ្វីមួយគេតែងសហការយ៉ាងល្អផង។ចំណែកអ្នកប្រកបការងារមិនថាឯកជនឬរាជការក្តីឃើញថាមានការសុខកាយសប្បាយចិត្តគួរសមហើយបើចង់ស្នើសុំអ្វីមួយពីចៅហ្វាយនាយគេតែងអាណិតស្រឡាញ់និងជួយជ្រោមជ្រែងអស់ពីចិត្ត។ សម្ព័ន្ធស្នេហាប្រុសស្រីមានជូរចត់ មានផ្អែមល្ហែម តែយ៉ាងណាលោកអ្នកតោងតែចេះថែរក្សាចំណងស្នេហានេះឱ្យបានល្អទើបប្រសើរហោង៕
ឆ្នាំរោង រាសីខ្ពស់ត្រដែត។ នៅថ្ងៃនេះបញ្ហាដែលធ្លាក់ជ្រៅឬជួបបញ្ហាលំបាកប៉ុនណាបើចេះពុះពារនោះក៏តែងទទួលបានផលមកវិញដែរ។សម្រាប់អ្នកប្រកបរបររកសីើជួញដូរមិនថាទីជិតឆ្ងាយតែងហុចផ្លែផ្កានិងប្រមូលផលចំណេញវិលត្រឡប់ចូលផ្ទះវិញគួរជាទីកក់ក្តៅ។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។ រីឯបញ្ហាគូស្នេហ៍កំលោះក្រមុំកំពុងមានភាពស្រស់ស្រាយនិងផ្អែមល្ហែមចំពោះគ្នាប្រពៃ ៕
ឆ្នាំម្សាញ់ រាសីស្រុតចុះ។ នៅថ្ងៃនេះលោកអ្នកអាចប្រកបការងារដោយមានការរីកលូតលាស់សន្សឹមៗប៉ុន្តែយ៉ាងណាត្រូវប្រយ័ត្នប្រយែងពីព្រោះថាផលអាក្រក់នោះងាយកើតឡើងជាងសព្វមួយដង។អ្នកប្រកបរបររកស៊ីជួញដូរទោះការជួញទីជិតឆ្ងាយលាភប្រាក់កាសពុំមានសម្បូរទេដូច្នេះទាល់តែលោកអ្នកខិតខំខ្លាំងទើបរកប្រាក់ចំណូលគ្រប់គ្រាន់ចិញ្ចឹមគ្រួសាររស់។ការធ្វើដំណើរទីជិតឆ្ងាយឱ្យប្រយ័ត្នជួបគ្រោះចាញ់បោកគេដោយប្រការណាមួយ។ រីឯបញ្ហាគូស្នេហ៍ប្រុសស្រីមានការងាយទាំងផ្អែមល្ហែមនិងងាយទាំងបែកបាក់៕
ឆ្នាំមមី រាសីខ្ពស់ត្រដែត។ នៅថ្ងៃនេះអារម្មណ៍ភ្លឺថ្លាហើយទោះធ្វើអ្វីក៏តែងមានការចម្រើនលូតលាស់និងផ្តល់ជាផ្លែផ្កានៅគ្រាក្រោយវិញ។នៅថ្ងៃនេះដែរតែងហុចផលល្អសម្រាប់លោកអ្នកដំណើរកិច្ចការងារឬចាប់ផ្តើមធ្វើអ្វីមួយផង។ការប្រកបការងារមានការចម្រើនលូតលាស់និងមានភាពសុខដុមដូចសព្វមួយដង។ការធ្វើដំណើរឆ្ងាយជិតមិនថាផ្លូវគោកផ្លូវទឹកឬផ្លូវអាកាសក្តីមានតែក្រុមមនុស្សអាណិតស្រឡាញ់និងជួយជ្រោមជ្រែង។ រីឯបញ្ហាសម្ព័ន្ធស្នេហាកំលោះក្រមុំមានភាពស្រស់ស្រាយនិងផ្អែមល្ហែមចាក់ទឹកមិនលិចឡើយ៕
ឆ្នាំមមែ រាសីស្រុតចុះ។ នៅថ្ងៃនេះដំណើរជីវិតរបស់លោកអ្នកមិនសូវល្អប្រសើរទេម្ល៉ោះហើយនាំកើតការខ្វាយខ្វល់ច្រើន។ក្រៅពីនេះការរស់នៅលោកអ្នកតោងតែចងចាំពាក្យចាស់ថា”ភាពរឹងរូសនាំមកនូវបញ្ហាចោមរោម”ផង។អ្នកប្រកបរបររកស៊ីជួញដូរវិញឃើញថាផលចំណូលនោះមិនសូវឆ្លើយតបដូចសេចក្តីប្រាថា្នទេពីព្រោះថាមានការខកបំណងច្រើនជាងពិសេសបើធ្វើជំនួញថ្មីៗផងឱ្យប្រយ័ត្នជួបគ្រោះចាញ់បោកគេ។ រីឯបញ្ហាសេចក្តីស្នេហាកំលោះក្រមុំចូរប្រយ័ត្នការប៉ះទង្គិចគ្នាបន្តិចពីព្រោះរឿងរាវតូចតាចងាយប្រែរីកក្លាយជាធំហើយកើតជារឿងឈ្លោះប្រកែកគ្នាយូរថ្ងៃ៕
ឆ្នាំវក រាសីល្អជាមធ្យម។ ដំណើរជីវិតរបស់លោកអ្នកក្នុងថ្ងៃនេះឃើញថាមានសុខដុមគួរសមហើយការប្រកបការងារអ្វីមានការរីកលូតលាស់សន្សឹមៗហើយទោះធ្វើអ្វីៗក៏តែងហុចផ្លែផ្កាមកវិញគ្រាន់កក់ក្តៅជានិច្ច។អ្នកប្រកបរបររកស៊ីជួញដូរទោះការជួញទីជិតឆ្ងាយលាភប្រាក់កាសពុំមានសម្បូរទេដូច្នេះទាល់តែលោកអ្នកខិតខំខ្លាំងទើបរកប្រាក់ចំណូលគ្រប់គ្រាន់ចិញ្ចឹមឆ្នាំងបាយទៅរួច។ ចំណែកសេចក្តីស្នេហាកំលោះក្រមុំមានការលូតលាស់ទៅមុខនិងមានភាពចុះសម្រុងគ្នាល្អណាស់ដែរ៕
ឆ្នាំរកា រាសីស្រុតចុះ។ នៅថ្ងៃនេះលោកអ្នកងាយកើតបញ្ហាតប់ប្រម៉ល់និងរឿងរាវមិនល្អយាយីផងគប្បីមានការប្រយ័ត្នប្រយែងបន្តិច។អ្នកប្រកបរបររកស៊ីជួញដូរវិញការរកផលចំណូលនោះជួបស្ថានភាពតានតឹងខ្លាំង ហើយអ្នកខ្លះរកត្រឹមបង្គ្រប់ឆ្នាំងបាយសឹងមិនគ្រប់ផង។ចំណែកការធ្វើដំណើរទីជិតឆ្ងាយចូរប្រយ័ត្នឧប្បត្តិហេតុយាយីព្រោះតែការធ្វេសប្រហែសដោយប្រការណាមួយ។ រីឯបញ្ហាសេចក្តីស្នេហាប្រុសស្រីកុំគប្បីជ្រួលជ្រើមខុសបែបបទប្រយ័ត្នរែកពន់សេចក្តីទុក្ខសោកមកវិញ៕
ឆ្នាំច រាសីខ្ពស់ត្រដែត។ នៅថ្ងៃនេះផ្តល់ផលល្អសម្រាប់លោកអ្នកសម្រេចចិត្តរឿងសំខាន់អ្វីមួយពីព្រោះថាផលជាផ្លែផ្កាតែងហុចមកវិញជានិច្ច។ក្រៅពីនេះលោកអ្នកអាចទទួលដំណឹងល្អអ្វីមួយថែមទៀត។ចំណែកអ្នកប្រកបរបររកស៊ីជួញដូរនៅថ្ងៃនេះវិញមានការទិញចូលលក់ចេញគ្រាន់រស់រវើកហើយបើលោកអ្នកចង់បើករបរអ្វីមួយតែងសមដូចប្រកប។ការធ្វើដំណើរឆ្ងាយជិតជួបភាពសុខដុមដូចសព្វមួយដង។ រីឯបញ្ហាគូស្នេហ៍ប្រុសស្រីមិនថាកំលោះក្រមុំឬពោះម៉ាយមេម៉ាយក្តីមានភាពផ្អែមល្ហែមនិងស្រស់ស្រាយប្រពៃ៕
ឆ្នាំកុរ រាសីខ្ពស់ត្រដែត។ នៅថ្ងៃនេះសម្រាប់កិច្ចការងារនានាបើលោកអ្នកមានការតាំងចិត្តធ្វើតែងងាយឆាប់ចប់ ហើយពិសេសអាចទទួលផលកម្រៃច្រើនទៀតផង។ចំពោះបើជាអ្នកប្រកបរបររកស៊ីជួញដូរវិញទោះជួញទីជិតឆ្ងាយតែងសមដូចប្រកបដោយអាចប្រមូលភោគផលចូលផ្ទះវិញយ៉ាងត្រជាក់ចិត្តជាក់ជាពុំខាន។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។ រីឯបញ្ហាសេចក្តីស្នេហាកំលោះក្រមុំមានភាពស្រស់ស្រាយនិងកំពុងបើកទំព័រថ្មីសម្រាប់អ្នកហើយ៕
0 comments:
Post a Comment