ហោរាសាស្ត្រប្រចាំថ្ងៃសៅរ៍ ទី២១ ខែតុលា ឆ្នាំ២០១៧

សូមជូនហោរាសាស្ត្រប្រចាំថ្ងៃសៅរ៍ ទី២១ ខែតុលា ឆ្នាំ២០១៧ ៖

ឆ្នាំជូត រាសីខ្ពស់ត្រដែត។ នៅថ្ងៃនេះដំណើរជីវិតល្អប្រសើរម្ល៉ោះហើយធ្វើអ្វីក៏មានភាពស្រស់ស្រាយនិងមានការជឿនលឿនគួរសមផង។សម្រាប់បញ្ហាការងារនិងបញ្ហាប្រាក់កាស់ក៏រំសាយនូវភាពតានតឹងនិងមានជោគលាភច្រើន។សម្រាប់អ្នកប្រកបរបររកស៊ីជួញដូរមានភាពកាក់កបគួរសមទាំងការជួញទីជិតឆ្ងាយដោយអាចប្រមូលផលចំណូលត្រឡប់មកផ្ទះវិញដូចគាប់បំណង។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។ រីឯបញ្ហាស្នេហាកំលោះក្រមុំពុំគប្បីលលេងជាមួយល្បែងកាមគុណប្រយ័ត្នជួបព្យុះជីវិតនាថ្ងៃខាងមុខចៀសពុំរួចហើយត្រូវមកខូចអនាគតភ្លឺស្វាងឥតអំពើ៕

ឆ្នាំឆ្លូវ រាសីល្អជាមធ្យម។ ក្នុងសប្តាហ៍នេះលោកអ្នកអាចប្រកបការងារធំដុំបាននៅឡើយទេក្នុងនេះមិនថាជាកិច្ចការងារ ប្រាក់កាស ប៉ុន្តែយ៉ាងណាត្រូវប្រយ័ត្នប្រយែង ពីព្រោះថាពេលនេះស្ថិតនៅក្នុងអំឡុងខែដួងរាសីស្រុតចុះនៅឡើយ ហេតុនេះរឿងរាវអាក្រក់អាចកើតមានផងដែរ។ចំណែកថ្ងៃនេះវិញអ្នកប្រកបរបររកស៊ីជួញដូរ ជួបផលលំបាកក្នុងការរកប្រាក់ចំណូលបន្តិចហើយបើមានការជួញឆ្ងាយទៀតសោតចូរប្រយ័ត្នជួបគ្រោះចាញ់បោកគេ ។ បញ្ហាគូគ្រងប្តីប្រពន្ធឬគូស្នេហ៍កំលោះក្រមុំងាយទាំងប្រេះស្រាំនិងងាយទាំងបែកបាក់គួរកាត់បន្ថយជម្លោះវិវាទទើបប្រសើរ៕

ឆ្នាំខាល រាសីខ្ពស់ត្រដែត។ នៅថ្ងៃនេះផ្តល់ផលល្អសម្រាប់លោកអ្នកទំនាក់ទំនងការងារអ្វីមួយពីព្រោះថាផលល្អៗតែងរង់ចាំជានិច្ច។ការប្រកបការងារតែងចាប់ផ្តើមដ៏ល្អនិងទទួលផ្លែផ្កាគ្រាន់ជាទីកក់ក្តៅ។អ្នកអាជីវករទោះមានការជួញទីជិតឆ្ងាយតែងអាចប្រមូលភោគផលចូលផ្ទះវិញយ៉ាងត្រជាក់ចិត្ត។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។ រីឯសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តី មានភាពផ្អែមល្ហែមនិងស្រស់ស្រាយចំពោះគ្នាប្រពៃ៕

ឆ្នាំថោះ រាសីល្អជាមធ្យម។ ក្នុងថ្ងៃនេះដំណើរជីវិតរបស់លោកអ្នកជួបភាពរដិបរដុបច្រើនដូច្នេះទោះប្រកបការងារតូចធំគប្បីមានការប្រយ័ត្នប្រយែងព្រោះថាបញ្ហាអាក្រក់ៗនោះតែងតាមជាប់ជានិច្ច។សម្រាប់លោកអ្នកជាកម្មករឬប្រកបការងារជាបុគ្គលិកក្រុមហ៊ុនឯកជនក្តីចូរប្រយ័ត្នការមានជម្លោះវិវាទណាមួយជាមួយក្រុមមនុស្សក្បែរខ្លួននាំឱ្យជួបផលលំបាកនៅគ្រាក្រោយ។ចំពោះអ្នកប្រកបរបររកស៊ីជួញដូរវិញការរកផលចំណូលជួបភាពប្រទាំងប្រទើសនិងពិសេសឱ្យប្រយ័ត្នគ្រោះចាញ់បោកអតិថិជនដែលទើបតែស្គាល់គ្នាថ្មីៗតែម្តង។ រីឯបញ្ហាសម្ព័ន្ធស្នេហាកំលោះក្រមុំត្រូវចេះពូនជ្រោយសេចក្តីស្នេហារបស់ខ្លួន\និងមានការចេះអត់អោនអោយគ្នាទើបប្រសើរ៕

ឆ្នាំរោង រាសីស្រុតចុះ។ នៅថ្ងៃនេះដោយសារដួងរាសីស្រុតចុះហេតុនេះទោះធ្វើអ្វីឃើញថាផ្លែផ្កាតែងមិនហុចដូចជាទីគាប់ចិត្តនោះឡើយ។ការបំពេញការងារចូរលោកអ្នកប្រយ័ត្នក្រុមមនុស្សសម្តីផ្អែមល្ហែមបន្តិចព្រោះគេងាយធ្វើឱ្យលោកអ្នកទទួលរងគ្រោះណាស់។អ្នកប្រកបរបររកស៊ីជួញដូរក្នុងពេលនេះជួបការលំបាកក្នុងការរកប្រាក់កម្រៃណាស់ហើយការជួញជិតឆ្ងាយទៀតសោតជួបតែភាពរកាំរកូសមិនស្ទើរដែរទ្បើយ។ រីឯបញ្ហាសេចក្តីស្នេហាកំលោះក្រមុំមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕

ឆ្នាំម្សាញ់ រាសីល្អជាមធ្យម។ នៅថ្ងៃនេះដំណើរជីវិតរបស់លោកអ្នកឃើញថាមិនល្អប្រសើរប៉ុន្មានទេពីព្រោះថាជារឿយៗតែងមានបញ្ហាច្រើនចំពោះមុខ។នៅពេលនេះដំណើរជីវិតរបស់លោកអ្នកបានងើបខ្ពស់បន្តិចវិញ ម្ល៉ោះហើយទោះធ្វើអ្វីក៏ដោយតែង ជឿនលឿនទៅមុខសន្សឹមៗជានិច្ច។សម្រាប់ថ្ងៃនេះវិញអ្នកប្រកបរបររកស៊ីជួញដូរការរកផលចំណូលទោះជួបការលំបាកម្តេចម្តា ប៉ុន្តែក៏អាចចិញ្ចឹមឆ្នាំងបាយអញ្ចឹងដែរ។ការធ្វើដំណើរត្រូវប្រយ័ត្នក្រុមមនុស្សបៀតបៀនយាយីដោយប្រការណាមួយ។ រីឯបញ្ហាគូស្នេហ៍កំលោះក្រមុំមានការខ្វាយខ្វល់ព្រោះតែការគិតច្រើនម្នាក់ឯង៕

ឆ្នាំមមី រាសីខ្ពស់ត្រដែត។ នៅថ្ងៃនេះដំណើរជីវិតរបស់លោកអ្នកល្អប្រសើរម្ល៉ោះហើយធ្វើឱ្យការប្រកបកិច្ចការអ្វីតែងជ្រះស្រឡះនិងទទួលផលនៅពេលក្រោយទៀតផង។ចំពោះអ្នកប្រកបរបររកស៊ីជួញដូរមានការទិញចូលលក់ចេញគ្រាន់បើហើយពិសេសបើមានបើករបរថ្មីៗផងផ្តល់ផលល្អគួរសម។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្ត ទាំងពេលទៅនិងត្រឡប់មកវិញ។ រីឯបញ្ហាសេចក្តីស្នេហាប្រុសស្រីបើចង់ធ្វើការជ្រើសគូស្រករតែងជួបគូព្រេងពិតដូចសេចក្តីប្រាថ្នា៕

ឆ្នាំមមែ រាសីខ្ពស់ត្រដែត។ នៅថ្ងៃនេះដំណើរជីវិតភ្លឺថ្លាហើយធ្វើអ្វីឃើញថាជឿនលឿននិងផ្តល់ជាផ្លែផ្កាមកវិញគ្រាន់ជាទីពេញចិត្ត។ចំណែកអ្នកប្រកបរបររកស៊ីជួញដូរវិញមានការជឿនលឿនទៅមុខល្អហើយបើចង់បើករបរអ្វីមួយថ្មីផងក៏ជាឱកាសល្អប្រពៃបំផុត។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។ រីឯបញ្ហាសេចក្តីស្នេហាកំលោះក្រមុំឬពោះម៉ាយមេម៉ាយក្តីមានការលូតលាស់ទៅមុខនិងបើចង់ផ្សំផ្គុំគ្រួសារជាឱកាសល្អណាស់ដែរ៕

ឆ្នាំវក រាសីល្អជាមធ្យម។ នៅថ្ងៃនេះរាល់ឧបទ្រពចង្រៃទាំងឡាយបានត្រូវរលាយចាកចេញឆ្ងាយហើយការប្រកបការងារមានការរីកលូតលាស់ប្រសើរឡើងវិញ។ក្រៅពីនេះបើមានឧបសគ្គរារាំងមុខក៏បានធូរស្រាលនិងលោកអ្នកអាចសុខកាយសប្បាយចិត្តយ៉ាងស្រស់ស្រាយទៀតផង។បើជាអ្នកប្រកបរបររកស៊ីជួញដូរវិញមិនគប្បីហក់លោតខ្លាំងពេកឡើយព្រោះផលចំណូលនោះមិនឆ្លើយតបដូចសេចក្តីប្រាថ្នាទេឬអាចនិយាយបានថាទោះខិតខំខ្លាំងត្រឹមកម្រិតណាក៏បានត្រឹមមួយគ្រប់ឆ្នាំងបាយដែរ។ រីឯសម្ព័ន្ធស្នេហាកំលោះក្រមុំជួបបញ្ហានឿយណាយនិងអស់សង្ឃឹមក្នុងដំណើរជីវិតច្រើនចូលយាយី៕

ឆ្នាំរកា រាសីស្រុតចុះ។ នៅថ្ងៃនេះធ្វើអ្វីតែងមិនងាយឆាប់ចប់និងពិសេសងាយខុសច្រើនថែមទៀត។ក្រៅពីនេះធ្វើអ្វីត្រូវមើលឱ្យច្បាស់លាស់បើពុំនោះផលអាក្រក់ងាយកើតឡើងផង។បើជាអ្នកប្រកបរបររកស៊ីជួញដូរទោះជួញទីជិតឆ្ងាយការរកផលកម្រៃមិនសូវឆ្លើយតបដូចសេចក្តីប្រាថ្នាទេឬអាចនិយាយបានថាទោះខិតខំកម្រិតណាក៏មិនឆ្លើយតបដូចជាទីគាប់ចិត្តនោះដែរ។ រីឯសម្ព័ន្ធស្នេហាកំលោះក្រមុំមានការចម្រើនលូតលាស់ទៅមុខសន្សឹមៗហើយការកើតភាពរកាំរកូសនោះក៏មានច្រើនចំពោះមុខ ៕

ឆ្នាំច រាសីខ្ពស់ត្រដែត។ នៅថ្ងៃនេះដំណើរជីវិតរបស់លោកអ្នកក្រឡាប់ចាក់គឺបានផ្លាស់ប្តូរមកល្អប្រសើរម្ល៉ោះហើយទោះធ្វើអ្វីឃើញថាជឿនលឿនទៅមុខគ្រាន់គាប់ប្រសើរ។សម្រាប់អ្នកប្រកបរបររកស៊ីជួញដូរឃើញថាមានភាពលូតលាស់និងបើចង់ធ្វើអ្វីមួយដែលថ្មីតែងឆ្លើយតបផ្លែផ្កាមកវិញជានិច្ច។អ្នកប្រកបរបររកស៊ីជួញដូរការធ្វើជំនួញទោះទីជិតឆ្ងាយមានភាពសុខដុមល្អតែទោះធ្វើអ្វីៗលោកអ្នកតោងតែចេះបែងចែកល្អអាក្រក់ឱ្យបានត្រឹមត្រូវទើបគ្មានរឿងរាវចម្រូងចម្រាសជាមួយអ្នកដទៃ។ រីឯសម្ព័ន្ធស្នេហាប្រុសស្រីមានការរីកលូតលាស់ទៅមុខនិងកំពុងផ្អែមល្ហែមប្រពៃណាស់ដែរ៕

ឆ្នាំកុរ រាសីឡើងខ្ពស់។ នៅថ្ងៃនេះដំណើរជីវិតរបស់លោកអ្នកនៅតែល្អប្រសើរដដែលទេហេតុនេះបើចង់សម្រុកការងារអ្វីអាចធ្វើពេញទំហឹងបានហើយព្រោះថាផលតែងហុចមកវិញផង។ចំណែកយីអ៊ុនអ្នកប្រកបរបររកស៊ីជួញដូរទាំងស្ត្រីបុរសតែងផ្តល់ផលល្អហើយទោះចង់បណ្តាក់ទុនរកស៊ីឬធ្វើអ្វីមួយតែងហុចផ្លែផ្កាដូចសមប្រកបជានិច្ច។ការធ្វើដំណើរឆ្ងាយជិតជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។ រីឯបញ្ហាសេចក្តីស្នេហាកំលោះក្រមុំមានភាពត្រជាក់ត្រជុំនិងមានភាពស្រស់ស្រាយប្រពៃណាស់៕

About todayfortune

This is a short description in the author block about the author. You edit it by entering text in the "Biographical Info" field in the user admin panel.