ដូចនេះហើយសូមបួងសួងឲ្យឆ្នាំទាំង ៧ ខាងលើនេះ មានឆ្នាំ ឆ្លូវ ខាល ថោះ មមី មមែ ច កុរ មានដំណើររាសីខ្ពស់ត្រដែតឡើង ដោយបានស៊ែរចេញ(បួងសួង) ដល់ស្តេចទេវតា ទេវតាទ្រព្យទាំង៣ ទេវតាថែរក្សាឆ្នាំទាំង១២ សូមជួយយិតយោងកូនចៅអោយបានសេចក្តីសុខចំរើន កើតកាលវាលគុម្ភ ត្រជាក់ត្រជុំ កើនលុយកាក់ មាសប្រាក់ចូលហូរហៀរត្រជាក់ដូចទឹក មានសម្បត្តិជាគហបតី សេដ្ឋីវាល់លានដុល្លារ ហើយសូមអោយកូនចៅជួបតែសំណាង មានលាភ មានជ័យ ឈ្នះអស់មារសត្រូវទាំងឡាយដែលប៉ុនប៉ងមកលើយើង សូមអោយស័ក្កសិទ្ធផងចុះ សាធុ...សាធុ...សាធុ...
ខាងក្រោមនេះគឺជាការទស្សន៍ទាយជើងលេខសំរាប់ឆ្នាំទាំង៧សំរាប់ថ្ងៃនេះ ៖
ឆ្នាំឆ្លូវ រាសីខ្ពស់ត្រដែត។នៅថ្ងៃនេះការប្រកបការងារលោកអ្នកអាចសម្រុកពេញទីបានហើយពីព្រោះថាផ្លែផ្កាល្អៗតែងផ្តល់មកវិញជានិច្ច។សម្រាប់អ្នកប្រកបរបររកស៊ីជួញដូរទាំងស្ត្រីបុរសតែងផ្តល់ផលល្អហើយទោះចង់បណ្តាក់ទុនរកស៊ីឬធ្វើអ្វីមួយតែងហុចផ្លែផ្កាដូចសមប្រកបជានិច្ច។ការធ្វើដំណើរឆ្ងាយជិតជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។ រីឯបញ្ហាសេចក្តីស្នេហាកំលោះក្រមុំមានភាពត្រជាក់ត្រជុំដូចទឹកអម្រិត៕
ឆ្នាំខាល រាសីខ្ពស់ត្រដែត។នៅថ្ងៃនេះផ្តល់ផលល្អសម្រាប់លោកអ្នកទំនាក់ទំនងការងារអ្វីមួយពីព្រោះថាផលល្អៗតែងរង់ចាំជានិច្ច។ការប្រកបការងារតែងចាប់ផ្តើមដ៏ល្អនិងទទួលផ្លែផ្កាគ្រាន់ជាទីកក់ក្តៅ។អ្នកអាជីវករទោះមានការជួញទីជិតឆ្ងាយតែងអាចប្រមូលភោគផលចូលផ្ទះវិញយ៉ាងត្រជាក់ចិត្ត។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។ រីឯសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តី មានភាពផ្អែមល្ហែមនិងស្រស់ស្រាយចំពោះគ្នាប្រពៃ៕
ឆ្នាំថោះ រាសីល្អជាមធ្យម។អ្នកកើតឆ្នាំទន្សាយនៅថ្ងៃនេះការប្រកបការងារត្រូវប្រយ័ត្នប្រយែងពីព្រោះងាយខូចខាតនិងបាត់បង់ជាងសព្វមួយដង។ការរស់នៅក្នុងផ្ទះសម្បែងចូរប្រយ័ត្នកើតជម្លោះវិវាទណាមួយព្រោះតែពាក្យសម្តីមិនគិតមុខគិតក្រោយ។ចំពោះបញ្ហាប្រាក់កាសត្រូវជួបស្ថានភាពចំណាយច្រើនឯចំណូលតិចហើយពិសេសបើមានការធ្វើអ្វីពាក់ព័ន្ធបញ្ហាប្រាក់កាសត្រូវរាំងស្ទះទៀតផង។អ្នកប្រកបរបររកស៊ីជួញដូរលោកអ្នកត្រូវមានទំនាក់ទំនងល្អជាមួយក្រុមមនុស្សជុំវិញខ្លួនឱ្យបានច្រើនព្រោះអាចទាញផលប្រយោជន៍អ្វីមួយមកវិញនៅថ្ងៃខាងមុខផង ។ រីឯគូស្នេហ៍កំលោះក្រមុំឬពោះម៉ាយមេម៉ាយក្តីមានការលូតលាស់ទៅមុខយឺតតែងាយថយក្រោយណាស់៕
ឆ្នាំមមី រាសីខ្ពស់ត្រដែត។នៅថ្ងៃនេះដំណើរជីវិតរបស់លោកអ្នកល្អប្រសើរម្ល៉ោះហើយធ្វើឱ្យការប្រកបកិច្ចការអ្វីតែងជ្រះស្រឡះនិងទទួលផលនៅពេលក្រោយទៀតផង។ចំពោះអ្នកប្រកបរបររកស៊ីជួញដូរមានការទិញចូលលក់ចេញគ្រាន់បើហើយពិសេសបើមានបើករបរថ្មីៗផងផ្តល់ផលល្អគួរសម។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្ត ទាំងពេលទៅនិងត្រឡប់មកវិញ។ រីឯបញ្ហាសេចក្តីស្នេហាប្រុសស្រីបើចង់ធ្វើការជ្រើសគូស្រករតែងជួបគូព្រេងពិតដូចសេចក្តីប្រាថ្នា៕
ឆ្នាំមមែ រាសីខ្ពស់ត្រដែត។នៅថ្ងៃនេះដំណើរជីវិតភ្លឺថ្លាហើយធ្វើអ្វីឃើញថាជឿនលឿននិងផ្តល់ជាផ្លែផ្កាមកវិញគ្រាន់ជាទីពេញចិត្ត។ចំណែកអ្នកប្រកបរបររកស៊ីជួញដូរវិញមានការជឿនលឿនទៅមុខល្អហើយបើចង់បើករបរអ្វីមួយថ្មីផងក៏ជាឱកាសល្អប្រពៃបំផុត។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។ រីឯបញ្ហាសេចក្តីស្នេហាកំលោះក្រមុំឬពោះម៉ាយមេម៉ាយក្តីមានការលូតលាស់ទៅមុខនិងបើចង់ផ្សំផ្គុំគ្រួសារជាឱកាសល្អណាស់ដែរ៕
ឆ្នាំច រាសីខ្ពស់ត្រដែត។ អ្នកកើតឆ្នាំចនៅពេលនេះបើចង់ប្រកបកិច្ចការអ្វីអាចសម្រុកបានហើយមិនអាចបង្អង់ដៃបានទេពីព្រោះកំពុងស្ថិតនៅក្នុងឆ្នាំដួងរាសីឡើងខ្ពស់ ប៉ុន្តែបើឆ្លងចូលឆ្នាំថ្មីពិសេសឆ្លងបុណ្យចូលឆ្នាំរួច(បើគិតតាមចិត្ត)នោះដួងរាសីឆ្នាំស្រុតចុះអ្វីៗប្រែប្រួលធ្វើឱ្យជួបការលំបាកក្នុងដំណើរជីវិតច្រើនចំពោះមុខ។ដោយឡែកនៅថ្ងៃនេះវិញអ្នកប្រកបរបររកស៊ីជួញដូរមានភាពកាក់កបគួរសមទាំងការជួញទីជិតឆ្ងាយដោយអាចប្រមូលផលចំណូលត្រឡប់មកផ្ទះវិញដូចគាប់បំណង។ រីឯបញ្ហាស្នេហាកំលោះក្រមុំពុំគប្បីលលេងជាមួយល្បែងកាមគុណប្រយ័ត្នជួបព្យុះជីវិតនាថ្ងៃខាងមុខចៀសពុំរួចហើយត្រូវមកខូចអនាគតភ្លឺស្វាងឥតអំពើ៕
ឆ្នាំកុរ រាសីឡើងខ្ពស់។នៅថ្ងៃនេះដំណើរជីវិតរបស់លោកអ្នកនៅតែល្អប្រសើរដដែលទេហេតុនេះបើចង់សម្រុកការងារអ្វីអាចធ្វើពេញទំហឹងបានហើយព្រោះថាផលតែងហុចមកវិញផង។ចំណែកយីអ៊ុនអ្នកប្រកបរបររកស៊ីជួញដូរទាំងស្ត្រីបុរសតែងផ្តល់ផលល្អហើយទោះចង់បណ្តាក់ទុនរកស៊ីឬធ្វើអ្វីមួយតែងហុចផ្លែផ្កាដូចសមប្រកបជានិច្ច។ការធ្វើដំណើរឆ្ងាយជិតជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។ រីឯបញ្ហាសេចក្តីស្នេហាកំលោះក្រមុំមានភាពត្រជាក់ត្រជុំនិងមានភាពស្រស់ស្រាយប្រពៃណាស់៕
0 comments:
Post a Comment