ឆ្នាំឆ្លូវ រាសីល្អជាមធ្យម។ ឈានមកដល់ថ្ងៃនេះដំណើរជីវិតរបស់លោកអ្នកមានភាពល្អប្រសើរឡើងវិញហើយ បន្ទាប់ពីឆ្លងកាត់ផលលំបាករយះការលំបាកខ្លះៗនាកន្លងមក។ ការប្រកបការងារកន្លងមកលោកអ្នកបានជួបបញ្ហាព្យុះភ្លៀងមួយចំនួនយាយីប៉ុន្តែពេលនេះមានភាពភ្លឺថ្លានិងជឿនលឿនគួរសម។អ្នកប្រកបរបររកស៊ីជួញដូរមានភាពរស់រវើកហើយទោះធ្វើអ្វីក៏តែងមានការជឿនលឿនទៅមុខនិងមានជោគជ័យច្រើនត្រឡប់មកវិញ។ ចំណែកការធ្វើដំណើរពេលយប់ព្រលប់ពុំសូវមានសុវត្តិភាពទេគួរបន្ថែមការប្រុងប្រយ័ត្ន។ រីឯបញ្ហាសេចក្តីស្នេហាប្រុសស្រីមានការរកាំចិត្តនិងខ្វាយខ្វល់ច្រើនព្រោះតែម្នាក់ៗចិត្តខ្លាំងរៀងៗខ្លួន៕
ឆ្នាំខាល រាសីឡើងខ្ពស់ត្រដែត ។ នៅថ្ងៃនេះលោកអ្នកធ្វើអ្វីក៏ដោយតែងភ្លឺថ្លានិងជួបតែក្តីសោមនស្សច្រើន។លោកអ្នកសម្រុកការងារបានហើយពីព្រោះថាផលជាផ្លែផ្កាហុចមកវិញគួរជាទីកក់ក្តៅផង។ចំណែកបើជាអ្នកប្រកបរបររកស៊ីជួញដូរតែងអាចទាក់ទាញអតិថិជនចាស់ថ្មីឱ្យចូលមកបានគួរជាទីពេញចិត្តនិងពិសេសបើចង់ផ្លាស់មុខរបរថ្មីផងតែងសមដូចប្រកបជានិច្ច។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ ។ រីឯបញ្ហាសេចក្តីស្នេហាកំលោះក្រមុំមានភាពផ្អែមល្ហែមនិងមានការចម្រើនលូតលាស់ទៅមុខជានិច្ច៕
ឆ្នាំថោះ រាសីឡើងខ្ពស់ត្រដែត។ ក្នុងថ្ងៃនេះដំណើរជីវិតរបស់លោកអ្នកល្អប្រសើរដូចនេះផ្តល់ផលល្អសម្រាប់លោកអ្នកចាត់ចែងការងារខ្លួនឯងពីព្រោះថាផលល្អៗតែងហុចមកវិញផង។ចំពោះអ្នកប្រកបរបររកស៊ីជួញដូរវិញមានការចម្រើនលូតលាស់ទៅមុខដូច្នេះជាឱកាសល្អក្នុងការផ្លាស់ប្តូរមុខរបរឬបើកធ្វើជំនួញតូចធំបំផុត។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ ។ រីឯបញ្ហាស្នេហាកំលោះក្រមុំ មានការយកចិត្តទុកដាក់និងផ្អែមល្ហែមចំពោះគ្នាប្រពៃ៕
ឆ្នាំរោង រាសីល្អជាមធ្យម។ នៅថ្ងៃនេះការប្រកបការងារអ្វីឃើញថាមិនសូវជឿនលឿនទៅមុខទេហើយពិសេសងាយ កើតបញ្ហាជាមួយអ្នកដទៃផងគប្បីប្រយ័ត្នប្រយែង។ ក្នុងផ្ទះសម្បែងឬសមាជិកគ្រួសារកើតមានភាពរកាំចិត្តច្រើនហើយទាល់តែកាត់បន្ថយជម្លោះទើបល្អប្រពៃបំផុត។សម្រាប់នៅថ្ងៃនេះវិញចំពោះការប្រកបរបររកស៊ីជួញដូរបើមានអតិថិជនស្នើសុំជំពាក់ប្រាក់កាសពុំត្រូវចិត្តល្អឱ្យជុំពាក់ច្រើនឡើយព្រោះកាលបើធ្លាក់ដល់ដៃគេហើយមិនងាយសងមិនវិញឡើយ។ រីឯបញ្ហាសេចក្តីស្នេហាប្រុសស្រីមានការប្រឆាំងនិងចង់ចាញ់ឈ្នះគ្នារៀងៗខ្លួន៕
ឆ្នាំម្សាញ់ រាសីឡើងខ្ពស់ត្រដែត។ នៅថ្ងៃនេះឱកាសល្អៗមានច្រើនហើយពិសេសមានអាចមានក្រុមនុស្សណែនាំអ្វីមួយឱ្យមានភាពភ្លឺថ្លាជាងនេះផង។សម្រាប់ពេលវេលាល្អក្នុងការសម្រេចចិត្តអ្វីមួយនៅថ្ងៃនេះគឺម៉ោង៧,០០ទៅដល់១០,៥៩នាទីព្រឹក។អ្នកប្រកបរបររកស៊ីជួញដូរបើលោកអ្នកចង់បោះទុនតូចធំឬចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយបើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។ ការធ្វើដំណើរឆ្ងាយជិតជួបភាពសុខដុមដូចសព្វមួយដង។ រីឯបញ្ហាសេចក្តីស្នេហាកំលោះក្រមុំមានភាពស្រស់ស្រាយប្រៀបដូចត្រីក្នុងទឹកនារដូវខែវស្សា៕
ឆ្នាំមមី រាសីឡើងខ្ពស់ត្រដែត។ នៅថ្ងៃនេះដួងរាសីឡើងខ្ពស់ដូចនេះលោកអ្នកអាចសម្រុកការងារបានពេញទីហើយពីព្រោះផលល្អៗកំពុងរង់ចាំជានិច្ច។ ចំពោះអ្នកប្រកបរបររកស៊ីជួញដូរវិញ មិនមានអ្វីមករាំងស្ទះ តាមយាយីឡើយ ។ ឯរឿងស្នេហារវាងប្រុស និងស្រី ក្រមុំ និងកំលោះ ក៏មិនមានអ្វីជាបញ្ហាចោទនាំឲ្យមានភាពម៉ងសៅក្នុងចិត្តទេ ។ ថ្ងៃនេះផងដែរ អ្នកអាចទទួលបានមនុស្សស្រលាញ់ថែមទៀតក៏ថាបាន តែមិនមានបញ្ហាអ្វីកើតឡើង ក្នុងចំណងស្នេហាបច្ចុប្បន្នទេ ។
ឆ្នាំមមែ រាសីស្រុតចុះ។ នៅថ្ងៃនេះឱ្យលោកអ្នកប្រយ័ត្នប្រយែងបញ្ហាអារម្មណ៍និងបញ្ហាសុខភាពពីព្រោះថាផលអាក្រក់ងាយហុចមកវិញណាស់។ សម្រាប់អ្នកប្រកបរបររកស៊ីជួញដូរវិញលោកអ្នកជួបការលំបាកក្នុងការរកប្រាក់កម្រៃណាស់ហើយការជួញជិតឆ្ងាយទៀតសោតជួបតែភាពរកាំរកូសនិងក្រុមបាបមិត្តតាមឈ្នានីសព្យាបាទយាយី។ សម្ព័ន្ធស្នេហាកំលោះក្រមុំ កើតមានរឿងរាវប្រទាំងប្រទើសគ្នាច្រើនដូច្នេះទាល់តែចេះអត់ឱនឱ្យគ្នាខ្លះទើបពុំមានរឿងរាវជម្លោះវិវាទកើតឡើង ៕
ឆ្នាំវក រាសីឡើងខ្ពស់ត្រដែត។ នៅថ្ងៃនេះលោកអ្នកអាចទទួលដំណឹងល្អណាមួយឱ្យសប្បាយចិត្តផង។លោកអ្នកត្រូវចេះចាត់ចែងការងារគ្រប់គ្រងប្រាក់កាសនិងគ្រប់គ្រងអារម្មណ៍ឱ្យបានល្អទើបការបំពេញការងារមានការចម្រើនលូតលាស់ទៅមុខ។បញ្ហាអ្នកប្រកបរបររកស៊ីជួញដូរនៅថ្ងៃនេះវិញមានភាពលូតលាស់ហើយបើលោកអ្នកចង់ផ្លាស់ប្តូរមុខរបរឬប្តូរកន្លែងលក់ដូរជាការប្រសើរបំផុត។ការធ្វើដំណើរឆ្ងាយជិតជួបភាពសុខដុមដូចសព្វមួយដង។ រីឯបញ្ហាសេចក្តីស្នេហាកំលោះក្រមុំមានការផ្អែមល្ហែមនិងស្រស់ស្រាយប្រពៃ៕
ឆ្នាំរកា រាសីល្អជាមធ្យម។ នៅថ្ងៃនេះដំណើរជីវិតរបស់លោកអ្នកមិនល្អប្រសើរទេហេតុនេះទោះធ្វើអ្វីគប្បីមានការប្រយ័ត្នប្រយែងបន្តិចពិសេសបញ្ហាឧប្បត្តិហេតុតែម្តង។ អ្នកប្រកបរបររកស៊ីជួញដូរមានការទិញចូលលក់ចេញដាច់មួយៗគ្រាន់ចិញ្ចឹមឆ្នាំងបាយអញ្ចឹងផង ប៉ុន្តែយ៉ាងណាឱ្យប្រយ័ត្នគ្រោះចាញ់បោកគេបន្តិចព្រោះងាយជួបប្រទះណាស់។ រីឯសម្ព័ន្ធស្នេហាប្រុសស្រីកុំចង់សាកល្បងកាមគុណពិសេសស្រី្តប្រយ័ត្នកើតរឿងធំខូចទាំងកិត្តិយសអស់ទាំងអនាគតភ្លឺស្វាង៕
ឆ្នាំច រាសីស្រុតចុះ។ នៅថ្ងៃនេះដំណើរជីវិតមិនល្អប្រសើរទេហេតុនេះទោះធ្វើអ្វីតោងតែត្រៀមទប់ទល់ឱ្យបានល្អទើបមិនមានរឿងរាវធ្លាក់ដល់កម្រិតលំបាកទៅរួច។ នៅថ្ងៃនេះដែរបើមានបញ្ហាមិនល្អលោកអ្នកចេះធ្វើការដោះស្រាយក៏តែងស្រាយបញ្ហាអាក្រក់មកល្អវិញបានផងដែរ។ចំពោះលោកអ្នកដែលប្រកបរបររកស៊ីជួញដូរ វិញទោះជួញទីជិតឆ្ងាយមិនសូវមានការលូតលាស់ទៅមុខឡើយគឺជួបការតានតឹងក្នុងការរកប្រាក់កម្រៃបន្តិចដូចនេះត្រូវធ្វើចិត្តត្រជាក់ទើបប្រសើរ ។ រីឯបញ្ហាសេចក្តីស្នេហាប្រុសស្រីវិញមានការងាយផ្ទុះជម្លោះវិវាទណាស់គប្បីប្រកាន់ចិត្តត្រជាក់ទើបគ្មានរឿងរាវចម្រូងចម្រាសទៅរួច៕
ឆ្នាំកុរ រាសីឡើងខ្ពស់ត្រដែត។ អ្នកកើតឆ្នាំស្វានៅខែនេះដួងរាសីល្អប្រសើរហើយថ្ងៃនេះដួងរាសីឡើងខ្ពស់ថែមទៀត ហេតុនេះលោកអ្នកអាចទទួលដំណឹងល្អនិងពិសេសអាចមានការផ្លាស់ប្តូរអ្វីមួយដែលប្រសើរជាងនេះផង។ សម្រាប់អ្នកប្រកបរបររកស៊ីជួញដូរនៅថ្ងៃនេះដែរប្រាក់រត់ចូលឬរត់ចេញអាស្រ័យទៅលើមាត់ហើយបើមិនចេះប្រើឱ្យចំទិសដៅទេប្រាក់កាសនឹងរត់ចូលថង់លុយអ្នកដទៃអស់ពុំខានទ្បើយ។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីមានភាពលូតលាស់និងកំពុងផ្អែមល្ហែមល្អប្រពៃ៕
0 comments:
Post a Comment