ឆ្នាំឆ្លូវ រាសីខ្ពស់ត្រដែត។នៅថ្ងៃនេះបើទោះបីដំណើរជីវិតឃើញថាល្អប្រសើរក្តីប៉ុន្តែមុនសម្រេចចិត្តអ្វីមួយលោកអ្នកតោងតែគិតឱ្យបានគ្រប់ជ្រុងជ្រោយទើបមិនជះឥទ្ធិពលមិនល្អណាមួយនៅគ្រាខាងមុខ។សម្រាប់អ្នកប្រកបរបររកស៊ីជួញដូរមានការទិញចូលលក់ចេញគ្រាន់បើបន្តិចវិញ ឯផលកម្រៃក៏ច្រើនគ្រាន់ល្មមគួរជាទីពេញចិត្ត។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។ រីឯបញ្ហាសម្ព័ន្ធស្នេហាកំលោះក្រមុំបើចង់រៀបអាពាហ៍ពិពាហ៍ឬចូលស្តីដណ្តឹងដល់ចាស់ទុំជាឱកាសល្អប្រពៃបំផុត៕
ឆ្នាំខាល រាសីស្រុតចុះ។នៅថ្ងៃនេះមិនផ្តល់ផលល្អសម្រាប់លោកអ្នកប្រកបកិច្ចការងារសំខាន់ឬធំដុំទេពីព្រោះថាផលអាក្រក់នោះងាយកើតឡើងផង។ក្នុងថ្ងៃនេះដែរបើជាអ្នកប្រកបរបររកស៊ីជួញដូរលាភតូចធំពុំសូវមានសំបូរទេព្រោះបើមិនបោលហួសក៏ត្រូវអ្នកដទៃដណ្តើមយកអស់ៗមុនដែរ។ការធ្វើដំណើរទីជិតឆ្ងាយចូរប្រយ័ត្នទិស”ពាយ័ព្យ”បន្តិចព្រោះងាយជួបបញ្ហាយាយី ។ រីឯបញ្ហាស្នេហាកំលោះក្រមុំមានការឆាប់ទាំងប្រេះឆាហើយក៏ឆាប់ត្រូវគ្នាវិញផង៕
ឆ្នាំថោះ រាសីល្អជាមធ្យម។នៅថ្ងៃនេះដំណើរជីវិតរបស់លោកអ្នកមិនសូវវល្អប្រសើរទេ ពីព្រោះថាតែងជួបបញ្ហាសៅហ្មងនិងរឿងរាវមិនល្អយាយីនាំឱ្យមិនសូវសុខស្រួលចិត្តឡើយ។ចំពោះបើលោកអ្នកប្រកបរបររកស៊ីជួញដូរថ្ងៃនេះវិញតែងអាចទាក់ទាញអតិថិជនចាស់ថ្មីមួយចំនួនបានមកវិញនិងពិសេសបើចង់ផ្លាស់មុខរបរថ្មីផងតែងសមដូចប្រកបដូចគ្នា។ការធ្វើដំណើរឆ្ងាយជិតជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។ រីឯបញ្ហាកំលោះក្រមុំឬពោះម៉ាយមេម៉ាយក្តីបើលោកអ្នកចង់ផ្សំផ្គុំគ្រួសារជាឱកាសល្អប្រពៃបំផុត៕
ឆ្នាំរោង រាសីស្រុតចុះ។នៅថ្ងៃនេះលោកអ្នកធ្វើអ្វីតោងតែចេះត្រួតពិនិត្យឱ្យបានល្អទើបពុំមានបញ្ហាមិនល្អណាមួយចោទឡើង។អ្នកប្រកបរបររកស៊ីជួញដូរការបោះទុនអ្វីត្រូវធ្វើដោយសន្សឹមៗបានហើយកុំបំបោលព្រោះបើហ៊ានចំណាយទុនធំតែងពុំផ្តល់ផលល្អដូចជាទីគាប់ចិត្តឡើយ។ការធ្វើដំណើរឆ្ងាយជិតជួបភាពប្រទាំងប្រទើសនិងមានបញ្ហាចោទច្រើនម្ល៉ោះហើយគប្បីមានការប្រយ័ត្នប្រយែង។ រីឯបញ្ហាសេចក្តីស្នេហាកំលោះក្រមុំកើតមានដំណើរប្រឆាំងគ្នាច្រើនហើយពិសេសងាយផ្ទុះរឿងរាវតូចធំដែលរកនឹកស្មានមិនដល់ផង៕
ឆ្នាំម្សាញ់ រាសីខ្ពស់ត្រដែត។នៅថ្ងៃនេះបើទោះបីដួងរាសីល្អប្រសើរពិតមែនក្តីប៉ុន្តែទោះធ្វើអ្វីលោកអ្នកតោងតែប្រយ័ត្នប្រយែងផងដែរពីព្រោះថាផលជាផ្លែផ្កានោះមិនងាយបានដូចគាប់បំណងប៉ុន្មាននោះទេ។សម្រាប់អ្នកប្រកបរបររកស៊ីជួញដូរបើមានញាតិមិត្តបបួលធ្វើអ្វីមួយឬត្រួសត្រាយឱ្យប្រកបរបររកស៊ីជួញដូរតែងហុចផ្លែផ្កាគួរជាទីពេញចិត្តតែយ៉ាងណាក៏ត្រូវប្រុងប្រយ័ត្នព្រោះយីអ៊ុនរបស់អ្នកក៏ស្ថិតនៅក្នុងគ្រោះចាញ់បោកគេដែរ។ការធ្វើដំណើរទីជិតឆ្ងាយជួបសេចក្តីសុខដុមដូចសព្វមួយដង។ រីឯបញ្ហាសេចក្តីស្នេហាកំលោះក្រមុំមានភាពផ្អែមល្ហែមនិងស្រស់ស្រាយប្រពៃណាស់៕
ឆ្នាំមមី រាសីស្រុតចុះ។នៅថ្ងៃនេះលោកអ្នកធ្វើអ្វីក៏ដោយតោងតែប្រយ័ត្នប្រយែងនិងត្រូវមានចិត្តត្រជាក់ដោយមិនត្រូវយកកំហឹងទល់កំហល់ជាដាច់ខាត។ក្រៅពីនេះលោកអ្នកខ្លះអាចទទួលរងការនឿយហត់ហួសពីការគិតទុកទៀតផង។អ្នកប្រកបរបររកស៊ីជួញដូរពេលនេះមុខជំនួញឆ្ងាយជិតមានការប្រែប្រួលពីល្អមកអាក្រក់ច្រើនដូច្នេះគួរមានការប្រយ័ត្នប្រយែងឱ្យបានខ្លាំងក្លាពិសេសគ្រោះចាញ់បោកគេតែម្តង។ រីឯបញ្ហាសម្ព័ន្ធស្នេហាកំលោះក្រមុំជួបភាពប្រទាំងប្រទើសនិងប្រឆាំងគ្នាច្រើនព្រោះម្នាក់ៗយកភាពមានះដាក់ខ្លួន៕
ឆ្នាំមមែ រាសីស្រុតចុះ។នៅថ្ងៃនេះដំណើរជីវិតក្រឡាប់ចាក់ពីព្រោះដួងរាសីស្រុតចុះខ្លាំងហេតុនេះធ្វើឱ្យជួបបញ្ហាមិនល្អចូលយាយីច្រើនចំពោះមុខ។នៅថ្ងៃនេះដែរលោកអ្នកឱ្យប្រយ័ត្នបញ្ហាឈឺខ្លួនប្រាណឬឧប្បត្តិហេតុណាមួយកើតឡើងរកនឹកស្មានមិនដល់។សម្រាប់អ្នកប្រកបរបររកស៊ីជួញដូរវិញមិនត្រូវយកភាពច្រណែនឈ្នានីសដាក់ចំពោះមុខឬបង្ករឿងថ្នាំងថ្នាក់ចំពោះអ្នកដទៃប្រយ័ត្នកើតឧបទ្រពចង្រៃការលក់ដូរកាន់តែមិនដាច់។ រីឯបញ្ហាសេចក្តីស្នេហាកំលោះក្រមុំមានការរកាំចិត្តច្រើនដោយសារម្នាក់ៗប្រកាន់ចិត្តខ្លាំងរៀងៗខ្លួន៕
ឆ្នាំវក រាសីល្អជាមធ្យម។នៅថ្ងៃនេះដោយសារដួងរាសីមិនល្អប្រសើរម្ល៉ោះហើយលោកអ្នកទទួលរងការហត់នឿយនិងមានបញ្ហាមិនល្អយាយីច្រើន។សម្រាប់អ្នកប្រកបរបររកស៊ីជួញដូរពុំផ្តល់ផលល្អប៉ុន្មានទេចំពោះការចង់ផ្លាស់ប្តូរមុខរបរឬបើករបរថ្មីអ្វីមួយ។ការធ្វើដំណើរឆ្ងាយជិតពុំសូវមានសុវត្តិភាពទេគប្បីបន្ថែមការប្រុងប្រយ័ត្ន។ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីជួបភាពនឿយណាយនិងអស់សង្ឃឹមចំពោះគ្នាច្រើន៕
ឆ្នាំរកា រាសីខ្ពស់ត្រដែត។នៅថ្ងៃនេះដោយសារដួងរាសីឡើងខ្ពស់ហេតុនេះមិនថាលោកអ្នកប្រកបកិច្ចការតូចធំក៏តែងអាចទម្លុះទម្លាយនិងសម្រេចជោគជ័យគ្រាន់កក់ក្តៅមួយចំនួនផង។អ្នកប្រកបរបររកស៊ីជួញដូរប្រៀបដូចបានជា“ភ្លៀងធ្លាក់មួយមេឃស្រទ្បះ”ព្រោះអាចកម្ចាត់រាល់ឧបទ្រពចង្រៃទាំងពួងឱ្យវិនាសជាអហោសិកម្មអស់ហើយលោកអ្នកអាចប្រកបមុខរបរពេញដៃពេញជើងទ្បើងវិញ។ សម្ព័ន្ធស្នេហាកំលោះក្រមុំបើលោកអ្នកពុំទាន់មានគូគាប់អាចមានដំណឹងលេចឮមិនដូច្នេះយ៉ាងហោចណាស់ក៏មានក្រុមមនុស្សចាប់អារម្មណ៍ផងដែរ៕
ឆ្នាំច រាសីស្រុតចុះ។នៅថ្ងៃនេះដួងរាសីរបស់លោកអ្នកក្រឡាប់ចាក់បានផ្លាស់ប្តូរមកធ្លាក់ស្រុតចុះវិញ ប៉ុន្តែយ៉ាងណាការប្រកបការងារឃើញថាបើ មានការប្រយ័ត្នប្រ យែងនោះបញ្ហាអាក្រក់ៗក៏មិនអាចចូលមកយាយីកើតដែរ។ការប្រកបការងាររាជការឬក្រុមហ៊ុនឯកជនទោះធ្វើអ្វីសន្សឹមៗបានហើយមិនអាចតក់ក្រហល់ឬយកកម្លាំងបាយមកប្រើបានឡើយនាំបញ្ហាខ្លះតូចតាចសោះបែររីកជាធំហួសពីការគិតទុកទៅទៀត។ សម្ព័ន្ធស្នេហាកំលោះក្រមុំកុំគប្បីប្រព្រឹត្តិល្បែងកាមគុណប្រយ័ត្នត្រូវរែកពន់ទុក្ខសោកដាក់ខ្លួនហើយខូចអនាគតភ្លឺស្វាងឥតអំពើ៕
ឆ្នាំកុរ រាសីល្អជាមធ្យម។នៅថ្ងៃនេះលោកអ្នកបើមានការតស៊ូខ្លាំងនោះឃើញថាផលឆ្លើយតបមកវិញក៏ឡើងខ្ពស់ទៅតាមនោះដែរ។សម្រាប់អ្នកប្រកបរបររកស៊ីជួញដូរមុខជំនួញទោះជួញទីជិតឆ្ងាយការរកផលកម្រៃមានការចូលមួយៗគ្រាន់បំពេញបំពង់អញ្ចឹងដែរតែយ៉ាងណាឱ្យប្រយ័ត្នការកើតជម្លោះវិវាទព្រោះតែក្រុមមនុស្សចាក់ដោតឆ្កឹះស្គៀល។ចំណែកការប្រកបការងារអ្វីលោកអ្នកមិនអាចលោភលន់បានឡើយព្រោះនាំឱ្យជះឥទ្ធិពលអាក្រក់នៅពេលណាមួយមកវិញនាំពិបាកក្នុងការតតាំង។ រីឯបញ្ហាសម្ព័ន្ធស្នេហាកំលោះក្រមុំមានភាពកក់ក្តៅដោយសារម្នាក់ៗមានការយកចិត្តទុកដាក់ចំពោះគ្នា៕
0 comments:
Post a Comment